வேலூர் மாவட்டம் பள்ளிக்கல்வித்துறையின் காட்பாடி அரசு மகளிர் மேல்நிலைப்பள்ளியின் தொழிற்கல்வி ஆசிரியரும், தமிழ்நாடு மேல்நிலைப் பள்ளி தொழிற்கல்வி ஆசிரியர் கழக மாநில தலைவர் முனைவர் செ.நா.ஜனார்த்தனன், பணிநிறைவு பெற்றதை முன்னிட்டு வேலூர் மாவட்ட கல்வி அலுவலர்கள் சால்வை அணிவித்து பாராட்டினர்.
இன்று தமிழ்நாடு அறிவியல் இயக்கத்தின் குழந்தைகள் அறிவியல் விழா வேலூர் ஊரிசு மேல்நிலைப்பள்ளியில் நடைபெற்றது. இந்த விழாவில் சிறப்பு அழைப்பாளராக பங்கேற்ற மாவட்டக்கல்வி அலுவலர் (இடைநிலைக்கல்வி பொ) பி.தனலட்சுமி, மாவட்டக்கல்வி அலுவலர் (தொடக்கல்வி) சு.தயாளன் ஆகியோர் தொழிற்கல்வி ஆசிரியர் செ.நா.ஜனார்த்தனன் பணிநிறைவு பெற்றதற்காக சால்வை அணிவித்து பாராட்டினர்.
அப்போது பேசிய அவர்கள் ஆசிரியர் பணியில் சிறப்பாக செயல்பட்டதுடன் தற்போது பணிநிறைவு பெற்ற அடுத்த நாளே தமிழ்நாடு அறிவியல் இயக்கத்தின் சார்பில் மாணவர்களை ஊக்குவிக்கும் விதமாக நடைபெறும் குழந்தைகள் திருவிழாவில் பங்கேற்று செயல்படுவது பாராட்டு. அவர் பல்வேறு சமூக பணிகளில் தன்னை இணைத்துக்கொண்டு செயலாற்றி வருகிறார் பணி சிறக்க வாழ்த்துகின்றோம் என்றனர்.
வேலூர் கிளை தலைவர் பேராசிரியர் க.தேவி தலைமை தாங்கினார் செயலாளர் முத்துசிலுப்பன் வரவேற்றுப் பேசினார்
ஊரிசு பள்ளி தலைமையாசிரியர் எபினேசர், மாவட்ட தலைவர் பேராசிரியர் பே.அமுதா நிர்வாக்குழு உறுப்பினர் பா.ராஜேந்திரன் மாநில துணைத்தலைவர் முனைவர் என் மாதவன், கு.செந்தமிழ்செல்வன், கே.விஸ்வநாதன், நீதிமணி, ஜெ.ஜான்பாபு, பி.சண்முகம் மருத்துவர் தில்லைவாணன் பூ.சாமி ஆ.ஜோசப்அன்னையா, எஸ்.சுரேந்திரன், வி.குமரன், என்.கோட்டீஸ்வரி, ஆர்.காயத்ரி, பெ.ராமு, ரவீந்திரன், ராதாகிருஷ்ணன், பொன்.வள்ளுவன், இளவழகன், வாரா உள்ளிட்டோர் பங்கேற்றனர்.
வேலூர் மாவட்ட தலைமை செய்தியாளர் மு பாக்யராஜ்
No comments:
Post a Comment