வேலூர்,அக்29-
வேலூர் மாவட்டம் தமிழ்நாடு தொழிற் கூட்டுறவு வங்கி (TAICO BANK) வேலூர் கிளையில் சிறு குறு உற்பத்தி நிறுவனங்களுக்கு கலைஞர் கடன் உதவி திட்டத்தின் கீழ் கடன் வழங்கப்படவுள்ளது என மாவட்ட ஆட்சித்தலைவர் வே. இரா. சுப்புலெட்சுமி, இ.ஆ.ப., அவர்கள் தெரிவித்துள்ளார்.
கலைஞர் கடன் உதவி திட்டம் கீழ்
தமிழ்நாடு அரசின் சிறு, குறு, நடுத்தர தொழில் நிறுவனங்கள் துறையின் கீழ் இயங்கும் தமிழ்நாடு தொழிற் கூட்டுறவு வங்கி (TAICO BANK) வேலூர் கிளையில் சிறு குறு உற்பத்தி (MICRO Industries) நிறுவனங்கனுக்கு மிக குறைந்த வட்டியில் ஆண்டுக்கு 7% சதவிகித வட்டியில் ரூபாய் 20,00,000 வரை நடைமுறை கடன் (Term Loan ) மற்றும் மூலதன கடன் (Working Capital) வழங்கும் புதிய திட்டமான கலைஞர் கடன் உதவி (kalaingar credit assistance scheme) திட்டத்தின்கீழ் சிறு குறு நிறுவனங்களுக்கு அசையா சொத்து (விவசாய நிலம் தவிர)அடமானத்தின் பேரில் கடன் வழங்கப்படவுள்ளது.
கடன் பெற தகுதிகள்
1.இந்த திட்டத்தில் பயன்பெற குறைந்தபட்ச வயது 18ஆகவும் அதிகபட்ச வயது 65க்கு மிகாமல் இருக்க வேண்டும்.
2.புதிய மற்றும் ஏற்கனவே இயங்கிவரும் சிறு குறு நிறுவனங்களாகவும் உற்பத்தி செய்யும் நிறுவனங்களாக இருக்க வேண்டும்.
3.தொழில் முனைவோருக்கு CIBIL Score 600க்கு குறையாமல் இருத்தல் அவசியம் மற்றும் (CMR) 6 புள்ளிகளுக்கு குறையாமலும் இரண்டு ஆண்டுக்கு இலாபத்தில் இருத்தல் அவசியம்.
4.பிற நிதி நிறுவனங்களிடமிருந்து உற்பத்தி சார்ந்த தொழிலுக்கு அதிக வட்டியில் கடன் பெற்றிருந்தால் வங்கியின் நிபந்தனைக்கு உட்பட்டு குறைந்த வட்டிக்கு மாற்றி கொள்ளலாம்.
5.வேலூர் மாவட்டத்தை சார்ந்த ஆர்வமுள்ள தொழில் முனைலோர்கள் மற்றும் அருகில் உள்ள மாவட்டங்களான திருப்பத்தூர் மற்றும் இராணிப்பேட்டை ஆகிய மாவட்டத்தை சார்ந்த ஆர்வமுள்ள தொழில் முனைவோர்களும் இந்த திட்டத்தில் பயன் பெறலாம்.
6.மேலும் விவரங்களுக்கு அந்தந்த மாவட்ட தொழில் மையம் (District Industries
Centre) பொது மேலாளர் மற்றும் கிளை மேலாளர் தாய்கோ வங்கி No.6B, முதல் மாடி பாலாஜி காம்பளக்ஸ் (Near Lic Office) ஆற்காடு சாலை, வேலூர். 632 004. 0416-2212597 மற்றும் 9843668547, 9787105249 என்ற தொலைப்பேசி
எண்களை தொடர்பு கொள்ளலாம் என தெரிவித்தனர்.
வேலூர் தாலுகா செய்தியாளர் இன்பராஜ்
No comments:
Post a Comment